बाणगंगा २ का एमाले नेता कार्कीद्धारा आफ्नो उम्मेदवारी फिर्ता

कपिलवस्तु । स्वतन्त्रबाट उम्मेदवारी मनोनयन गर्नुभएका मुक्त बहादुर कार्कीले उम्मेदवारी फिर्ता लिनुभएको छ । कार्कीले वाणगंगा वडा नम्बर २ को वडाअध्यक्ष पदका लागि वैशाख १२ गते निर्वाचन अधिकृतको कार्यालय वाणगंगामा मनोनयन गर्नुभएको थियो ।

नेकपा एमालेका नगर उपाध्यक्ष रहनुभएका कार्कीले स्वतन्त्रबाट उम्मेदवारी मनोनयन गर्नुभएको थियो । वाणगंगा २ राजपुर निवासी कार्की विगत ३० वर्षदेखि नेकपा एमालको राजनीति गर्दै आउनुभएको छ ।

उहाँले पार्टी कार्यकर्ताको आग्रहमा नेतृत्वसंग सहमती गरी आफनो स्वतन्त्र उम्मेदवारी फिर्ता लिएको बताउनुभयो ।

विगतमा पार्टी पक्तिसंग कुनै सरसल्लाह नगरी एकलौटी ढंगले जनप्रतिनिधीले काम गरेपछि विभिन्न वडामा असन्तुष्ट बढेको थियो । पार्टीले अन्तिम समयमा आएर वडा अध्यक्ष, सदस्य पदको टिकट वितरण गरेपछि केही वडामा समस्या परेको थियो ।