भारतीय ट्रकको ठक्करबाट बाणगंगाका युवककाे मृत्युु

कपिलवस्तु

कपिलवस्तुकाे बाणगंगामा भारतीय ट्रकले अटोलाई ठक्कर दिदा एक युवाको मृत्यु भएकाे छ । गयराति दुर्घटना भएसँगै स्थिति तनावग्रस्त बनेको थियाे । अहिले भने ओदारीको अवस्था सामान्य बन्दै गएको छ । गएराती कपिलवस्तुको बाणगंगा ११ ओदारीमा भारतीय नम्बर प्लेटको ट्रकले अटोलाई ठक्कर दिदा एक जना युवाको घटनास्थलमै निधन भएको थियो । दुर्घटनाबाट बाणगंगा नगरपालिका वडा नम्बर ११ का अनिल मगरको मृत्यु भएको हो ।

युवाको ज्यान गएपछी स्थानियले ओदारीमा रहेको प्रहरी विटमा आक्रमण समेत गरेका थिए । आक्रोशित स्थानियले प्रहरी विट तोड्फोड समेत गरेका छन् ।

उत्तरबाट दक्षिण तर्फ जाँदै गरेको अटोलाई दक्षिणबाट उत्तर आउदै गरेको भारतीय ट्रकले ठक्कर दिएको प्रहरीले जनाएको छ । चालकको गम्भीर लापरवाहीलेनै मगरको ज्यान गएको भन्दै स्थानीय आक्रोसित भएका हुन् ।स्थितिलाई नियन्त्रणमा लिन राती प्रहरीले दर्जनौ हवाई फाएर र असृग्यास प्रहार गरेको थियो । राती नै प्रहरीले चालकलाई पिपरा लगेको र अहिले भने अवस्था सामान्य रहेको प्रहरीले जनाएको छ ।