बाणगंगाको एउटै टोलका १५ जनाको एन्टिजेन रिर्पाेट पोजेटिभ

तस्बिर : मोतिपुर स्वास्थ्य चौकी प्रमूख हिमलाल घिमिरेको सामाजिक संजालबाट साभार

कपिलवस्तु ।।

कपिलवस्तुको बाणगंगा नगरपालिका वडा नम्बर ८ स्थित मोतिपुर स्वास्थ्य चौकीले गरेको कोरोनाको एन्टिजेन परिक्षणमा आज एक ८० वर्षीय पुरुष सहित थप १५ जनामा कोरोना पोजेटिभ पुष्टि भएको छ ।

बाणगंगा नगरपालिका वडा नम्बर ८ मोर्मी स्थित एकै टोलमा १९ जनाको गरिएको एन्टिजेन परिक्षणमा १५ जनाको रिर्पाेटमा कोरोना पुष्टी भएको हो । परिक्षण गरिएका मध्ये ८० प्रतिशतमा संक्रमण पुष्टि भएको स्वास्थ्य चौकी प्रमूख हिमलाल घिमिरेले उल्लेख गर्नुभएको छ । केही दिन अघि देखि मोतिपुर स्वास्थ्य चौकीले कोरोनाको एन्टिजेन परिक्षण गरिरहेको छ । समुदाय स्तरमा कोरोनाको संक्रमण पुगिसकेको भन्दै स्वास्थ्य चौकीको माध्यमबाट परिक्षणको कार्य सुरु गरिएको थियो ।