प्रकाश पाठकका तीन मुक्तक

१.मुक्तक

शिर ननिहुराए ठोकिने कटेरामा

बर्खामा पानी तालिने कटेरामा

प्रधानध्यापकको तीन तले घर बनेछ,

शिक्षक भने अझैसम्म चुहिने कटेरामा ।

२.मुक्तक

पापले पोल्छ भन्ने कुरा सम्झिनु होला

इज्जत जोगाइ राखी सम्हालिनु होला

घरबार बिगृन्छ,नानीबाबुको बिचल्ली हुन्छ

अर्काकी बुढीलाई आँखा नलाई दिनु होला ।

३.मुक्तक

स्वास्थ्य क्षेत्रमा लापरबाही गर्ने कहिलेसम्म हो

नदेखे झैं गरि आँखा तर्ने कहिलेसम्म हो

विकट गाउँमा कुनै डाक्टर पुगेनन्

उपचारै नपाएर मर्ने कहिलेसम्म हो ?

–प्रकाश पाठक शिवराज २,कपिलवस्तु

98

-सम्बन्धित समाचार

प्रतिक्रिया

खबर सबै

लुम्बिनी प्रदेश सबै

लुम्बिनी प्रदेशसभामा दुई विधेयक पेस