सन्धिखर्क नगरपालिकाका कार्यालयमा ई– हाजिरी लागू

अर्घाखाँची । अर्घाखाँचीको सन्धिखर्क नगरपालिका र मातहतका कार्यालयहरूमा ढड्डा हाजिरी हटाएर ई– हाजिरी सुरुवात गरिएको छ । सन्धिखर्क नगरपालिकाको कार्यालय तथा यस मातहतका सम्पूर्ण वडा कार्यालय, स्वास्थ्य चौकी र माध्यमिक विद्यालय मातहतका सबै कर्मचारी शिक्षकले बिहान कार्यालय प्रवेश गर्दा र काम सकेर फर्कँदा ई–हाजिरी गर्न थालेका हुन ।

सुशासन र पारदर्शिता कायम गर्न नगरपालिकाको कार्यालय, नगरपालिकाभित्रका सबै वडा कार्यालय, स्वास्थ्य संस्थामा रहेका सबै कर्मचारी एक सय ५९ जना र नगरभित्रका १० वटा माध्यमिक विद्यालयका दुई सय ५७ जना शिक्षकरकर्मचारीका लागि ई–हाजिरी लागू गरिएको नगरपालिकाका प्रमुख प्रशासकीय अधिकृत खिमानन्द भुसालले बताउनुभयो । कर्मचारीले अब ढड्डामा हाजिरी गर्न नपर्ने उहाँको भनाइ छ ।

आधारभूत तहका विद्यालयमा पनि छिट्टै यो हाजिरी प्रणाली लागू हुने नगरपालिकाले जनाएको छ ।