रसुवागढी भन्सारका १४ कर्मचारी सम्पर्कविहीन

रसुवागढी भन्सारमा कार्यरत १४ कर्मचारी सम्पर्कविहिन भएका छन् । 

बुधबार बिहान भोटेकोसी नदीमा भीषण बाढी आएपछि उनीहरू सम्पर्कविहीन भएका हुन् ।

अर्थमन्त्री डा. स्वर्णीम वाग्लेको सचिवालयका अनुसार, रसुवा भन्सारमा ३६ स्थायी दरबन्दी रहेको थियो । तीमध्ये प्रमुख भन्सर प्रशासक राजेन्द्र ढुंगानासहित २५ जना सम्पर्कमा रहेको सचिवालयले जनाएको छ ।

सचिवालयका अनुसार, चारजना करार र ज्यालादारी कर्मचारीमध्ये एकजना मात्र सम्पर्कमा रहेका छन् । ११ जना स्थायी र तीनजना करार तथा ज्यालादारी गरी कुल १४ कर्मचारीबारे खोजी कार्य जारी रहेको सचिवालयले जनाएको छ ।