बैँकिङ् कसुरका फरार पुरूष पक्राउ

 प्रहरीले बैँकिङ् कसुर मुद्दामा फरार रहेका व्यक्तिलाई पक्राउ गरेको छ । पक्राउ पर्नेमा जिल्लाको रैनादेवीछहरा गाउँपालिका –७ बस्ने ४९ वर्षीय भीमबहादुर सारू रहेका छन्। सारूलाई प्रहरी चौकी बल्डेङ्गढी, पाल्पाबाट खटिएको प्रहरीले पक्राउ गरेको हो। 

सारुलाई पाल्पा जिल्ला अदालतको फैसलाअनुसार बैकिङ् कसुर मुद्दामा दोषी ठहर भई फरार अभियुक्तका रूपमा पक्राउ गरिएको प्रहरीले जनाएको छ।

अदालतको फैसलाअनुसार उनीबाट तीन लाख २६ हजार रूपियाँ जरिवाना असुलउपर गर्न बाँकी रहेको जिल्ला प्रहरी कार्यालय पाल्पाले जनाएको छ। पक्राउ परेका सारुलाई आवश्यक कानुनी प्रक्रिया पूरागरी जरिवाना असुलउपरका लागि अदालतमा बुझाइएको छ।