अर्घाखाँचीमा करेन्ट लागेर २६ वर्षीय युवकको मृत्यु

अर्घाखाँची । अर्घाखाँचीमा जंगली जनावर बदेललाई थापेको विद्युतीय पासोमा परी करेन्ट लागेर एक २६ वर्षीय युवकको मृत्यु भएको छ ।

जिल्लाको छत्रदेव गाउँपालिका वडा नम्बर ३ मथुरामा अस्थायी रूपमा बिगत दुई महिनादेखि बस्दैआएका गुल्मीको मुसिकोट नगरपालिका ३ का २६ वर्षका विमल महतको करेन्ट लागेर मृत्यु भएको हो।

आइतबार राति १०ः४५ बजे अंरिगाल पोलेर फर्किने क्रममा छत्रदेव गाउँपालिका ३ मथुराका केशव खनालले बँदेललाई थापेको विद्युतीय पासोमा परेर महतको उपचारको क्रममा जिल्ला अस्पताल अर्घाखाँचीमा मृत्यु भएको जिल्ला प्रहरी कार्यालयका प्रहरी निरीक्षक कृष्णप्रसाद घिमिरेले जानकारी दिनुभयो ।