भारतमा क्रिप्टोकरेन्सी बनाइयो वैध, विद्युतीय मुद्रा पनि सञ्चालनमा आउने

एजेन्सी

भारत सरकारले मंगलवार प्रस्तुत गरेको बजेटमा डिजिटल क्षेत्रमा दुईवटा ठूला घोषणा गरिएका छन् ।

सन् २०२२ मै भारतको केन्द्रीय बैंक आरबीआईले ब्लकचेन र अन्य प्रविधिको उपयोग गर्दै आरबीआई डिजिटल रुपया भन्ने विद्युतीय मुद्रा जारी गर्ने घोषणा अर्थमन्त्री निर्मला सीतारमणले गरिन् ।

क्रिप्टोकरेन्सीलाई पनि वैध बनाउने बजेट भाषणमा उल्लेख छ । यसबाट हुने कमाइमा ३० प्रतिशत कर लगाइनेछ । भर्चुअल डिजिटल एसेट्सको करमा परिवर्तन गरेको सीतारमणले बताइन् ।

बजेटका अन्य पक्षको कुरा गर्दा पूँजी लगानीबाट रोजगार बढाउन ७.५५ लाख करोड भारुको प्रावधान ल्याइएको छ । ठूला उद्योग र एमएसएमई दुवैलाई यसले सहायता हुनेछ । महामारीले थिलथिलो भएको अर्थतन्त्र उकास्न यो आवश्यक थियो ।