अज्ञात समुहद्वारा गाेठमा आगजनी

बर्दिया । बारबर्दिया नगरपालिका—६ धामपुरका चन्द्रबहादुर सुनारको गोठमा अज्ञात समूहले आगजनी गरेको छ । मंगलबार मध्यरातमा आगजनी गर्दा गोठमा राखिएको ट्याक्टर, धान चुट्ने थ्रेसर पूर्णरुपमा नष्ट भएको सशस्त्र प्रहरी नायव उपरीक्षक गोबन्द केसीले बताए ।

आगजनी कसले गर्‍यो भन्ने अनुसन्धान भइरहेको सप्रनाउ केसीले जनाए । उक्त स्थानमा सशस्त्र प्रहरी बल सुरक्षा बेस क्याम्प कतर्नियाबाट सहायक सशस्त्र प्रहरी निरीक्षक सर्वजीत थापाको कमान्डमा सात जनाको टोली खटिएको छ ।

आगजनीबाट करिब १७ लाख रुपैयाँको क्षति भएको प्रहरीको अनुमान छ ।