तास खेलिरहेको अवस्थामा ९ जना पक्राउ

प्युठान ।
प्यूठान नगरपालिका–४ जुम्रीस्थित ऐरावती होटलमा तास खेलिरहेको अवस्थामा प्रहरीले ९ जनालाई पक्राउ गरेको छ ।

प्यूठान नगरपालिका ४ बस्ने २४ वर्षीय सतिस केसी लगायत ९ जनालाई सोमबार बिहान प्रहरीले पक्राउ गरेको हो ।

उक्त होटलमा तास खेलिरहेको भन्ने सूचना प्राप्त हुनासाथ ईलाका प्रहरी कार्यालय बिजुवारबाट खटिएको प्रहरीले उनीहरुलाई नगद १ लाख ६५ हजार २ सय ६५ रुपैयाँ, ३ गड्डी तास, ७ थान मोबाइल र ६ वटा मोटरसाइकल सहित पक्राउ गरेको जनाएको छ । यस सम्बन्धमा प्रहरीले थप अनुसन्धान गरिरहेको जनाएको छ ।