रुपन्देहीमा बन्द प्रभावः चोक–चोकमा कार्यकर्ता , सेनाले चलायो बख्तरबन्द गाडी

रुपन्देही

बुटवलमा बन्द कडा रुपमा परेको छ । । प्रचण्ड–नेपाल समूहको नेकपाको  देशैभर आयोजना गरिएको आम हड्तालको असर बुटवलका मूख्य सडकमा  परेको छ ।

बन्दलाई कडाई बनाउन प्रचण्ड–नेपाल समूहका कार्यकर्ता मूख्य–मूख्य चोकमा ठूलो संख्यामा गाडिहरुलाई रोकेर राखेका छन् । यद्यपि, एम्बुलेन्स, परिक्षार्थी बोकेका सवारी, दुध बोक्ने गाडी तथा बिरामीहरु भने रोकिएका छैनन् ।

बुटवलको राजमार्ग चौराहमा केहीबेर अघि कार्यकर्ताले टायर बालेका थिए । पूर्व देखि आएका एक दर्जनभन्दा धेरे ढुवानी तथा सवारीका गाडीहरु लामबद्ध रोकिएका छन् ।

त्यस्तै केहीबेर अघि मात्रै सेनाले बख्तरबन्द  गाडीहरुलाई बुटवलका सडकमा घुमाएको छ । पूर्वजानकारी विनै बख्तरबन्द गाडीहरु घुमाएपछि राजमार्ग चौराहमा बन्द गराइरहेका कार्यकर्ताहरु अचम्ममा परेका थिए । सेनाले बख्तरबन्द गाडि देखाएर डराउन खोजेको एक बन्दकर्ताले बताए ।

बुटवल बेसक्याम्पबाट निकालिएका ४ वटा बख्तरबन्द गाडी राजमार्ग चौराह हुँदैं गोलपार्कतिर लगिएको थियो । यसबारे भने आन्तरिक जानकारी आफूहरुलाई भएको नेपाल प्रहरीका एक जवानले बताए । ‘हामीलाई थाहा थियो ।’ उनले भने–‘आन्तरिक सर्कुलेसन भएको थियो ।’

सेनाले  यसबारेमा केही बोलेको छैन ।