केपी ओलीलाई पार्टीबाट निकाल्यौँ भनेर आयोगलाई हँसाउने काम भयो : ओली

काठमाडौं , पुस १८

प्रधानमन्त्री केपी शर्मा ओलीले प्रचण्ड–माधव नेपाल पक्षको कडा आलोचना गरेका छन् । आफूपक्षीय काठमाडौं जिल्ला कमिटीद्वारा आयोजित कार्यकर्ता भेलालाई सम्बोधन गर्दै ओलीले निर्वाचन आयोगमा प्रचण्ड–नेपाल पक्षले दिएको निवेदन औचित्यहीन रहेको तर्क गरे ।

केपी ओलीलाई पार्टीबाट निकाल्यौँ भनेर निर्वाचनका पदाधिकारीलाई हँसाउने काम सो पक्षबाट भएको उनको भनाइ छ । उनले प्रचण्ड र नेपाल पक्षका नेतालाई इंगित गर्दै ‘मान्छे हेर्दा ठुलै देखिए पनि सरकारको काम हेर्ने कुरामा चित्त साना’ भएको बताए ।

आफू नेतृत्वको सरकारको राष्ट्रिय लक्ष्य भारतका प्रधानमन्त्री  र चीनको राष्ट्रपतिलाई समेत चासो भए पनि प्रचण्ड र नेपाललाई कुनै मतलब नभएको उनले टिप्पणी गरे । यस्तै पहिले पहिले नेपालमा को प्रधानमन्त्री छन् भन्ने थाहा नहुने भएपनि अहिले भारतलगायत विश्वभर आफू नेतृत्वको सरकार परिचित रहेको समेत बताए ।

अर्को प्रसंगमा ओलीले लोकतन्त्र, संविधान, स्थायित्वमाथि खतरा भएर नै संसद विघटन गर्नुपरेको तर्क गरे । अब संसद पुनर्स्थापित नहुने पनि उनको प्रष्टोक्ति थियो ।

105

प्रतिक्रिया

खबर सबै

अर्घाखाँचीको इतिहास : दुई राजाको सालिक निर्माण

लुम्बिनी प्रदेश सबै

लुम्बिनी प्रदेशको बजेट बहुमतले पारित

साझा अपडेट

MENU