रास्वपा केन्द्रीय प्रशिक्षण विभागको विज्ञ समूह सदस्यमा नारायण खनाल मनोनयन

कपिलवस्तु | राष्ट्रिय स्वतन्त्र पार्टी (रास्वपा) ले पार्टी हालै रास्वपा सदस्य बनेका कपिलवस्तुका नेता नारायण खनाललाई पार्टीको केन्द्रीय प्रशिक्षण विभाग विज्ञ समुह सदस्यमा मनोनयन गरेको छ । खनाललाई रास्वपाले केन्द्रीय प्रशिक्षण विभागअन्तर्गत विज्ञ समूह सदस्यमा मनोनयन गरेको हो ।

पार्टी केन्द्रीय कार्यालयबाट जारी गरिएको पत्रमा विभाग प्रमुख कविन्द्र बुर्लाकोटीले पार्टीको प्राप्त सिफारिसका आधारमा खनाललाई मनोनित गरिएको उल्लेख छ।

महामन्त्री कविन्द्र बर्लाकोटीले हस्ताक्षर गरेको पत्रमा खनालले पार्टीको विधि, नीति तथा निर्देशनअनुसार विभागीय जिम्मेवारी प्रदान गर्ेको उल्लेख छ । यस्तै पार्टीका गतिविधिमा सक्रिय तथा जिम्मेवार भूमिका निर्वाह गर्ने अपेक्षा गरिएको रास्वपाले उल्लेख गरेको छ।

यस मनोनयनसँगै खनाल अब रास्वपाको केन्द्रीय संरचनामा औपचारिक रूपमा समाविष्ट भएका छन्। खनाल लामो राजनैतिक अनुभव भएका नेता हुन । उनी पछिल्लो पटक पूर्व प्रधानमन्त्री डा. बाबुराम भट्टराईले नेतृत्व गरेको नेपाल समाजवादी पार्टी (नेसपा) मा पनि केन्द्रिय प्रशिक्षण तथा प्रशिक्षक विभागका सदस्य भई जिम्मेवारी सम्हालेका थिए । हाल भने नेसपा विभाजित बनेसँगै उनी रास्वपामा प्रवेश गरेका थिए ।