बाणगंगाको बनगाइमा बस दुर्घटना, सबै यात्रु सकुशल

साझाकुरा । कपिलवस्तुको बाणगंगा नगरपालिका वडा नम्बर ७ कोइली बनगाइमा सोमबार दिउसो यात्रुवाहक बस दुर्घटनामा परेको छ ।

कपिलवस्तुको कृष्णनगरबाट बुटवलका लागि जाँदै गरेको लु २ ख १६५६ नम्बरको बस सडकदेखि किनारमा पल्टिएको हो । उक्त बसमा सवार ७ जना यात्रु समान्य घाइते भएको भए पनि उनीहरुको सामान्य उपचार पछि डिस्चार्ज भएको इलाका प्रहरी कार्यालय पिपराले जनाएको छ ।

बस आफै अनियन्त्रित भई सडक देखि किनारमा पल्टिएको प्रहरीले जनाएको छ । बस दुर्घटनामा परेको भए पनि कुनै मानवीय क्षेती नभएको प्रहरीले जनाएको छ ।