ससुराली गएका व्यक्ति मृत फेला

पाल्पा । पाल्पामा एक जना सुसुरालीमा मृत फेला परेका छन्। रिब्दिकोट गाउँपालिका ४ भार्कोट घर भई १० वर्षदेखि रुपन्देही बुटवल उप–महानगरपालिका १२ नयाँगाउँमा बस्दै आएका ४५ वर्षीय थानेश्वर सुवेदी मृत फेला परेका हुन्।

उनी आफ्नै ससुराली प्रेम विश्वकर्माको घर रिब्दिकोट ४ भार्कोटमा मृत फेला परेका हुन्। थानेश्वर श्रीमती कोपिलासँग २ दिन अघि ससुराली गएका थिए।

शनिबार बेलुकी खाना खाएर सुतेका उनी ७ गते विहान साढे ६ बजे श्रीमती उठाउन जाँदा मृत फेला परेका हुन्।

शव पोष्टमार्टमका लागि जिल्ला अस्पताल पाल्पा पठाइएको जिल्ला प्रहरी कार्यालय पाल्पाका डीएसपी वीरेन्द्र थापाले जानकारी दिए।