टी–२० विश्व कपमा आज इङ्ल्यान्ड र श्रीलङ्का खेल्दै

काठमाण्डाै

आईसीसी टी-२० विश्व कप क्रिकेटमा आज इङ्ल्यान्ड र श्रीलङ्का खेल्दैछन् ।

पौने २ बजे सुरु हुने खेल इङ्ल्यान्ड र श्रीलङ्काबीच हुने भए पनि यो खेल इङ्ल्यान्ड र अस्ट्रेलियाको लागि बढी महत्त्वपूर्ण रहेको छ ।

श्रीलङ्का सेमिफाइनलको दौडबाट बाहिरिसकेको छ । इङ्ल्यान्डले जित निकालेमा अस्ट्रेलियालाई पछि पार्दै इङ्ल्यान्ड सेमिफाइनलमा पुग्ने छ भने श्रीलङ्का विजयी भएमा वा खेल बराबरी भएमा अस्ट्रेलिया सेमिफाइनलमा पुग्नेछ ।

समूह १ मा न्युजिल्यान्ड ७ अङ्ककासाथ सेमिफाइनलमा पुग्दा समान ७ अङ्क रहेको अस्ट्रेलियाको भाग्य इङ्ल्यान्ड र श्रीलङ्का बीच हुने आजको खेलमा रहेको छ । इङ्ल्यान्डको ५ अङ्क छ । तर इङ्ल्यान्डको नेट रन रेट अस्ट्रेलियाभन्दा राम्रो छ।