विश्वकपका लागि स्पेनबाट कतार हिँडेका फुटबल फ्यान इरानमा पक्राउ
विश्वकप फुटबल हेर्न स्पेनबाट कतार हिँडेका एक फ्यान इरानमा पक्राउ परेका छन्। सान्टियाओ सान्चेज कोगेडरकी आमाले पछिल्लो केही सातायता उनीसँग सम्पर्क विच्छेद भएको जानकारी दिएकी हुन्।
गत जनवरीमा स्पेनको मड्रिडनजिकैबाट उनी विश्वकपको लागि भन्दै हिँडेरै कतार जान निस्किएका थिए। नोभेम्बर २० मा हुने विश्वकपमा कतार पुग्ने उद्देश्यका साथ उनी बेलैमा निस्किएका थिए। यद्यपि पछिल्लो एक महिनायता भने उनको परिवारसँगको सम्पर्क छुटेको छ।
उनलाई इरानको कुन जेलमा राखिएको भन्ने अहिलेसम्म खुलाइएको छैन। अहिलेसम्म इरानले पनि यस विषयमा कुनै प्रतिक्रिया दिएको छैन।
सान्चेज कोगेडरले आफ्नो यात्राको विवरण इन्स्टाग्राममा राख्दै आएका थिए। उनको पछिल्लो पोस्ट अक्टोबर १ मा राखिएको थियो। उक्त पोस्टमा उनले आफू इराकको उत्तरी गाउँबाट इरान प्रवेश गरेको बताएका छन्। उनले आफू इरानको बन्दर अबास बन्दरगाहबाट डुङ्गा चढेर कतार जान लागेको परिवारलाई बताएका थिए।
अहिले इरानमा हिजाबविरुद्धको आन्दोलन चलिरहेको छ। इरानले यो आन्दोलन चर्काउन अमेरिका र पश्चिमा मुलुकले भूमिका खेलेको आरोप लगाउँदै आएको छ।
गत महिना इरानका अधिकारीले पोल्याण्ड, इटाली र फ्रान्सका नौ विदेशीलाई यो आन्दोलन चर्काउन सहयोग गरेको आरोपमा पक्राउ गरिएको बताएको थियो। यद्यपि सान्चेज कोगेडर भने कुनै पनि राजनीतिक मुद्दामा संलग्न नरहेको उनका परिवारले बताएका छन्।
खबर सबै
-
पृथ्वीको तापक्रम बढ्ने, जलवायु संकट थप गम्भीर हुने राष्ट्रसंघको चेतावनी
-
तीन दिनदेखि सम्पर्कविहिन पाल्पाका दुई युवा मृत फेला, रूपन्देहीकाे खोलामा शव भेटियो
-
सर्वोच्च अदालतमा आगलागी
-
बैंकिङ प्रणालीबाट १८ अर्ब तान्दै राष्ट्र बैंक
-
एसीसी प्रिमियर कपमा नेपालको लगातार दोस्रो जित
-
कपिलवस्तुमा तिन छठ्ठी पर्व मनाइँदै
साझा अपडेट
-
बालबालिकालाई दिइने गृहकार्य – एक विमर्श
-
लुम्बिनीलाई ‘बर्थिङ हब’का रूपमा विकास गरिने
-
१४ औँ स्थापना दिवसको अबसरमा कपिलवस्तु फोटोग्राफरको फोटो वाक कार्यक्रम सम्पन्न
-
गुल्मीमा स्क्रब टाइफसबाट एक महिलाको मृत्यु
-
गुगललाई डेढ खर्ब रुपैयाँभन्दा धेरै जरिवाना
-
पश्चिम एसियाका १२ देशमा सबै प्रकारका श्रम स्वीकृति खुला
-
वर्ष ०८२ : एक लाख १० हजारले बढ्यो सुनको भाउ, प्रतिदिन ३०३ !
प्रतिक्रिया