टाँगाको ठक्करबाट एकको मृत्यु

बर्दिया । बर्दियामा टाँगाको ठक्करबाट एकजनाको मृत्यु भएको छ। गुलरिया नगरपालिका–८ सुरजपुरका ७० वर्षिय बिर बहादुर सुनारको शनिबार साँझ मृत्यु भएको हो।

गुलरिया नगरपालिका–८ भन्सार चोकस्थित असिम अहमदइद्रिसीले चलाएको टाँगाले शनिबार ३ बजे सुनारलाई ठक्कर दिई गम्भिर घाईते बनाएको थियो। घाईते सुनारको बर्दिया अस्पतालमा सामान्य उपचारपछि थप उपचारको लागि नेपालगंज नर्सिङहोममा पु¥याईएको थियो।

नर्सिङहोममा उपचारको क्रममा साँझ ५ बजे सुनारको मृत्यु भएको प्रहरीले जनाएको छ। टाँगा चालक इद्रिसीलाई नियन्त्रणमा लिई अनुसन्धान भईरहेको जिल्ला प्रहरी कार्यालय बर्दियाका डिएसपी सुर्य प्रकाश सुवेदीले जानकारी दिए।