जी–२० शिखर सम्मेलनका लागि रुसी राष्ट्रपति पुटिन रोम नजाने

काठमाण्डाै

विश्वका प्रमुख प्रभावशाली देशहरुको शिखर सम्मेलन  जी –२० का लागि रुसी राष्ट्रपति भ्लादिमिर पुटिन रोम नजाने हुनुभएको छ ।

उहाँले सम्मेलनमा उपस्थित नहुने निर्णय गरेको राष्ट्रपतिको कार्यालय क्रेमलिनले जानकारी दिएको छ । कोरोनाभाइरसको महामारीका कारण सम्मेलनमा भौतिक रूपमा उपस्थित हुन नसक्ने राष्ट्रपति पुटिनको कार्यालयले निकालेको विज्ञप्तिमा उल्लेख छ । तर राष्ट्रपति पुटिनले भर्चुअल रुपमा सम्मेलनमा सहभागिता जनाउने समाचार संस्था एएनआईले जनाएको छ ।

बहुचर्चित जी–२० को शिखर सम्मेलन यही अक्टोबर ३० र ३१ मा इटलीको राजधानी रोममा हुने तय भएको छ । सम्मेलनमा अर्जेन्टिना, अष्ट्रेलिया, ब्राजिल, क्यानडा, चीन, जर्मनी, फ्रान्स, भारत, इन्डोनेसिया, इटली, जापान, मेक्सीको, रुस, साउदी अरब, दक्षिण अफ्रिका, दक्षिण कोरिया, टर्की, बेलायत र अमेरिकाका शीर्ष नेताहरू सहभागी हुँदैछन् ।

97

प्रतिक्रिया

खबर सबै

कपिलवस्तुमा दश मध्ये ८ स्थानीय तहले ल्याए बजेट, कसको कति ?

लुम्बिनी प्रदेश सबै

लुम्बिनी प्रदेशलाई क्षेत्रिय आईटी हब बनाउने गुरुयोजना सार्वजनिक

साझा अपडेट

MENU