जागे युवा सजाय गाउँ

मंसिर १०, ई–साझाकुरा

वाणगंगा नगरपालिका ९ स्थित सालघारी टोलका युवाहरु यति बेला आफ्नो गाउँ टोल सजाउन कसिएका छन् । तिहारमा केहि सिमित घरमा मात्र देउसी खेलेर उठेको रकमले गाउँ सजाउन लागेको अभियान्ता शेषकान्त भट्टराईले बताएका छन् । पहिलो चरणमा गाउँमा रहेको चौपारी र प्रतिक्षालय रंगरोगन गरेका युवाहरुले क्रमश गाउँ सुधारका कार्यक्रम पनि गर्ने अभियान्ताहरुको भनाई रहेको छ ।

सबैलाई सहयोग गर्न र आफ्ना कार्यहरुमा पनि सघाउन युवाहरुले आग्रह गरेका छन् ।
अब यसपछि गाउँटोल सरसफाई अभियान पनि सञ्चालन गर्न उनिहरुको योजना रहेको छ । देउसीको रकमले मात्र नपुगेर युवाहरुले आफ्नो खाजा खर्च कटाएर अभियान सञ्चालन गरेका थिए ।