देशभर १०२ जना पत्रकारमा कोरोना, कपिलवस्तुका ७ संक्रमित ।। १ को मृत्यु ।।

भदौ २९, कपिलवस्तु

नेपालमा अहिलेसम्म एक सय दुई जना पत्रकारमा कोरोना भाइरसको सङ्क्रमण पुष्टि भएको छ । सुदूरपश्चिम प्रदेश बाहेक बाँकी ६ प्रदेशका एक सय दुई जना पत्रकारमा कोरोना सङ्क्रमण पुष्टि भएको नेपाल पत्रकार महासङ्घले जनाएको छ ।

यसैबिच यता कपिलवस्तु जिल्लामा अहिले सम्म ७ जना पत्रकार कोरोना संक्रमित भएका छन भने एक जनाको कोरोना के कारण मृत्यु भएको छ । नेपाल पत्रकार महासङ्घ जिल्ला शाखा कपिलवस्तुका अनुसार सबैभन्दा बढि कपिलवस्तु नगरपालिकामा ४ जनामा संक्रमण पुष्टि भएको छ । त्यस्तै वाणगंगा नगरपालिकाका २ जना र बुद्धभुमि नगरपालिकाका १ जना पत्रकारमा कोरोना देखिएको महासंघ जिल्ला अध्यक्ष डिलाराम भुषालले बताउनुभयो । एक जनाको मृत्यु भएको र अन्य सबै निको भएको उहाँले जानकारी दिनुभयो ।

कोरोना महामारीको रिर्पाेटिङ र समाचार संकलनका क्रममा अग्रभागमा खटिएका पत्रकारहरु संक्रमित भएको नेपाल पत्रकार महासंघ कपिलवस्तुले जनाएको छ । प्रदेश ५ मा भने अहिले सम्म १२ जना पत्रकारमा कोरोना पुष्टि भएको छ । उनीहरु मध्ये केही निको भएका छन भने केही आईसोलेसनमा रहेका छन् ।