निर्दाेष अर्जुनका “दुई गजल”

गजल –१

बादल मडारिएको दिन अप्रिय समाचार आउनेछ,
जब त्यो धड्कन बाटै मेरो नाम बारबार आउनेछ!!

सपना हो या बिपना तिमी सोचमा डुब्ने छौ प्रिय्,
तब ती नयन अगाडि यो निर्दोष अनुहार आउनेछ!!

घर परिवार त्यागेर तिमिलाई प्रेम गरेको मान्छे म,
बा-आमाको नजरमा केवल कुलङ्घार आउनेछ!!

त्यो अन्तिम पत्र खोल्दा आँखा रसाउलान कति,
जब देखिन्छ अक्षरमा रगत मनमा प्यार आउनेछ!!

सम्झना आउला ती अतितका पल पत्र पढिरहदा,
तिम्रै प्यारमा लिखित एक गजल दमदार आउनेछ!!

अचानक होस हराउछ बर्बराउदै अतालिन्छौ तब,
अर्जुन मरेको संदेश लिई एक गजलकार आउनेछ!!

निर्दोष अर्जुन                                                                                                                  गजल --२

तिमिलाई भित्र्याउन एउटा महल बनाउनु छ,
अनि जिन्दगी जिउने उपाय सरल बनाउनु छ!!

सारा दुख कष्ट हरुको निवारण गरि जाँदै गर्दा
तिम्रै साथमा रमाउन जीवन सफल बनाउनु छ!!

तिमी मेरो थियौ मेरै हौ र हमेसा मेरो नै रहन्छौ,
जिन्दगी भरको यात्रा हाम्रो हरपल बनाउनु छ!!

बुढेसकालमा तिमी र म जवानीलाई याद गर्दै,
जवानीको प्यार नाउमा एक गजल बनाउनु छ!!

निर्दोष अर्जुन