सात वर्षको सफल यात्रामा ‘ई—साझाकुरा’

वि.सं.२०७७ साल साउन १४ गते। विश्व कोरोना महामारीको त्रासमा थियो। सूचना र समाचारको विश्वसनीयतामाथि प्रश्न उठिरहेका थिए। यस्तै चुनौतीपूर्ण समयमा कपिलवस्तुको वाणगंगा–९ बाट एउटा डिजिटल सञ्चार अभियान सुरु भयो—ई–साझाकुरा । उद्देश्य स्पष्ट थियो—समाचार मात्र होइन, सत्य, विश्वास र समाजको साझा आवाजलाई पाठकमाझ पु¥याउने।

आज, सातौँ वार्षिक उत्सव मनाइरहँदा ई—साझाकुरा केवल एउटा अनलाइन समाचार पोर्टलको नाम होइन, कपिलवस्तुदेखि देश–विदेशसम्म फैलिएको विश्वसनीय डिजिटल सञ्चार माध्यमका रूपमा स्थापित भएको छ । सुरुवाती समय सीमित स्रोत, सीमित जनशक्ति र कठिन परिस्थितिलाई अवसरमा बदल्दै यसले निरन्तर आफ्नो यात्रालाई विस्तार गरेको छ ।

सुरुदेखि नै स्थानीय समाचारलाई प्राथमिकतामा राख्दै गाउँ–टोलका विकास, शिक्षा, स्वास्थ्य, कृषि, खेलकुद, संस्कृति, सामाजिक गतिविधि र जनसरोकारका विषयलाई राष्ट्रिय स्तरमा चिनाउने महत्वपूर्ण भूमिका निर्वाह गरेको छ । समयसँगै राष्ट्रिय राजनीति, अर्थतन्त्र, अन्तर्राष्ट्रिय घटनाक्रम, विश्लेषणात्मक लेख, ब्लग तथा विशेष सामग्रीमार्फत आफ्नो सामग्रीको दायरा फराकिलो बनाएको छ।
समाचारको गति र विश्वसनीयता दुवैलाई सन्तुलित गर्दै हामीले डिजिटल पत्रकारितामा नयाँ अभ्यासहरू स्थापित गरेका छौँ । सामाजिक सञ्जाल, भिडियो सामग्री, प्रत्यक्ष प्रसारण, फोटो कथा र विश्लेषणात्मक सामग्रीमार्फत पाठकसँग प्रत्यक्ष सम्बन्ध निर्माण गर्न सफल भएको छ। सूचना प्रविधिको प्रभावकारी प्रयोगले यसलाई आधुनिक समाचार माध्यमका रूपमा उभ्याएको छ।

नै पनि सञ्चार संस्थाको सफलता भवन वा प्रविधिले मात्र सम्भव हुँदैनÙ त्यसका पछाडि समर्पित पत्रकार, सम्पादक, प्राविधिक, व्यवस्थापन र शुभेच्छुकहरूको अथक मेहनत हुन्छ। ई—साझाकुराको सात वर्षे यात्राले पनि यही सत्यलाई प्रमाणित गरेको छ। संस्थाको व्यवस्थापन, सम्पादकीय नेतृत्व र समाचारकर्मीहरूको निरन्तर समर्पणले आज यसलाई पाठकको विश्वास जित्ने माध्यम बनाएको छ।

डिजिटल युगमा सूचना क्षणभरमै फैलिन्छ, तर विश्वास निर्माण गर्न वर्षौँ लाग्छ। ई—साझाकुराले यही विश्वासलाई आफ्नो सबैभन्दा ठूलो सम्पत्तिका रूपमा स्थापित गरेको छ। तथ्यमा आधारित समाचार, सन्तुलित प्रस्तुति, सामाजिक उत्तरदायित्व र व्यावसायिक आचारसंहिताप्रतिको प्रतिबद्धताले यसलाई पाठकको रोजाइको माध्यम बनाएको छ।

सात वर्ष एउटा महत्वपूर्ण उपलब्धि हो, तर यो अन्तिम गन्तव्य होइन। अझ परिष्कृत पत्रकारिता, खोजमूलक समाचार, डिजिटल नवप्रवर्तन, युवा पत्रकारको क्षमता विकास र समाजप्रतिको उत्तरदायित्वलाई अझ सुदृढ बनाउँदै अघि बढ्नु नै हाम्रो आगामी यात्राको लक्ष्य हो ।
स्थापनाको सातौँ वार्षिक उत्सवका अवसरमा सम्पूर्ण पाठक, शुभेच्छुक, विज्ञापनदाता, समाचार स्रोत, लेखक, सहकर्मी पत्रकार तथा प्रत्यक्ष–अप्रत्यक्ष रूपमा साथ दिने सबैप्रति हार्दिक आभार व्यक्त गर्दछौँ। यही विश्वास, साथ र प्रेरणाले ई—साझाकुरालाई अझ जिम्मेवार, अझ प्रभावकारी र अझ विश्वसनीय सञ्चार माध्यमका रूपमा अगाडि बढाइरहन प्रेरित गर्ने छ ।

सात वर्षको यात्रा पूरा भएको छ। अब लक्ष्य केवल समयसँगै अघि बढ्ने होइन, सत्य, विश्वसनीयता र जनउत्तरदायी पत्रकारिताको मानक स्थापित गर्दै नयाँ इतिहास रच्ने हो।

स्थापनाको ७औँ वार्षिकोत्सवको हार्दिक शुभकामना सहित
साझाकुरा मिडिया ग्रुप -सम्पादकीय डेस्क)