बुटवल कालिकापथमा एक युवामाथि छुरा प्रहार

बुटवलको कालिकापथमा मंगलबार राति एक युवामाथि छुरा प्रहार भएको छ । स्थानीय युवाहरूबीच भएको झगडामा एक युवकमाथि छुरा प्रहार भएको हो । छुरा प्रहारबाट बुटवल उपमहानगरपालिका वडा नम्बर–३ का सागर थापा गम्भीर घाइते भएका छन् ।

उनको दायाँ कोखामा चक्कु प्रहार भएको प्रहरीले जनाएको छ । इलाका प्रहरी कार्यालय बुटवलका प्रमुख प्रहरी नायव उपरीक्षक विजयराज पण्डितले चक्कु प्रहार गर्ने दुई जनालाई पक्राउ गरिएको बताए ।
पक्राउ पर्नेमा बुटवल उपमहानगर ३ का सुजन गलामी र युवराज पुन रहेका छन् ।
बुटवलको कालिकापथलाई रात्रिकालीन बजारको रूपमा विकास गर्ने योजना अघि सारिएको छ । तर, अपराधका घटना बढदा पर्यटन व्यसायी त्रसित बनेका छन् ।