कपिलवस्तुमा ४ लाख बढी भारतीय नोटसहित एक महिला पक्राउ

कपिलवस्तु। कपिलवस्तुको कृष्णनगर नगरपालिका वडा नं २ लिङगेट स्थित प्रहरीले ४ लाख ५० हजार भारतीय रुपैयाँ सहित एक महिला पक्राउ गरेको छ ।

प्रहरीले पाल्पा जिल्लाको बगनासकाली गाउँपालिक वडा नं ९ घर भई भारतको लखनउमा बस्दै आएकी बर्ष अन्दाजी ४५ की राधा सारुलाई पक्राउ गरेको हो ।

भारतबाट नेपाल तर्फ पैदल आउदै गरेकी राधा सारुको झोला भित्र भारतीय ५०० दरको ९०० थान भारु रुपैयाँ ४ लाख ५० हजार सहित नियन्त्रणमा लिइ अनुसन्धान कार्य भइरहेको प्रहरी नायव उपरीक्षक मीन बहादुर घलेले जानकारी दिनुभयो । पक्राउ परेकी सारुलाई थप अनुसन्धानका लागि आन्तरिक राजश्व कार्यालय रुपन्देही पठाइएको जानकारी दिनुभएको छ ।

148