नेसपाको बुटवल नगर समिति पुनर्गठन

रुपन्देही । डा.बाबुराम भट्टराईले नेतृत्व गरेको नेपाल समाजवादी पार्टीको बुटवलमा नगर समिति पुनर्गठन भएको छ ।

पार्टीको बुटवलमा भएको भेलाले सुरज हितान मगरको अध्यक्षतामा ३१ सदस्य नगर कार्यसमिति गठन गरेको जनाएको छ । जसको उपाध्यक्षमा नवीना गैर, टिकाराम पौडेल, कृष्ण भुसाल रहेका छन् । सचिवमा विष्णु खत्री, सहसचिवमा विष्णु खत्री,कोषाध्यक्षमा कुमारी नेपाली, रहेका छन्।

यस्तै सदस्यमा कृष्ण पाण्डेय, लक्ष्मी पोखरेल, गागाबहादुर बुढामगर, रुद्र प्रसाद गिरी लगायत रहेका छन् । भेलामा पार्टीका प्रदेश इन्चार्ज कमल खनाल, केन्द्रीय सदस्यहरू हरि घर्ती मगर , सुमी पुलामी मगर लगायत बोल्दै पार्टीको सङ्गठन वडा वडासम्म विस्तार, चुनावी रणनीति तय गर्ने लगायतका जिम्मेवारी नगरलाई प्रदान गरेको केन्द्रीय सदस्य पंकज राईले बताए ।