विमल मछिन्द्रबाटै खेल्ने
काठमाडौँ
चोटबाट पुनरागमनको तयारीमा रहेका स्ट्राइकर विमल घर्तीमगरले साविक विजेता मछिन्द्र क्लबबाट सहिद स्मारक ‘ए’ डिभिजन लिग खेल्ने भएका छन् । लिगको नयाँ सिजन कात्तिक २९ गतेदेखि सुरु हुँदै छ ।
करिब १ वर्षदेखि चोटका कारण मैदानबाहिर रहेका विमलले अघिल्लो सिजनको लिग पनि मछिन्द्रबाटै खेलेका थिए । आइतबार आयोजित कार्यक्रममा उनले क्लबसँग नयाँ सम्झौता गरेका छन् । सम्झौता रकम भने खुलाइएको छैन ।
दुई वर्षअघि भएको लिगमा ९० दिनको प्रतिबन्धपछि लिगको अन्तिम खेल खेलेका विमल अघिल्लो वर्षको पुसमा राष्ट्रिय टोलीको बन्द प्रशिक्षणका क्रममा चोटग्रस्त भएपछि उनी मैदानबाहिर थिए । दायाँ घुँडाको चोटको उपचार कतारमा गरी ९ महिनापछि गएको महिना स्वदेश फर्किएका थिए । विमलको सम्पूर्ण उपचार खर्च अखिल नेपाल फुटबल संघले गरेको थियो ।
लामो समयपछि मैदानमा फर्किएका विमलले सम्झौतापछि लिग उपाधि रक्षाका लागि प्रयास गर्ने बताए । अघिल्लो सिजन एक खेलमात्र खेल्न पाएको स्मरण गर्दै विमलले यसपल्ट सबै खेलमा उत्कृष्ट प्रदर्शनको प्रयास गर्ने बताए । उनले चोटपछिका दिनहरूलाई आफ्नो करियरको कठिन समय भनेका छन् । मछिन्द्रले यो सिजनका लागि राष्ट्रिय टोलीका युवा स्टार मनीष डाँगी र सुनील वलसँग सम्झौता गरेको छ भने विशाल राई, विशाल श्रेष्ठजस्ता खेलाडीहरूसँग सम्झौता नवीकरण गरेको छ ।
खबर सबै
-
मृत्यु भएका मतदाताको विवरण अद्यावधिक गर्न आयोगको आग्रह
-
कर्मचारीलाई १५/१५ दिनमा तलब भुक्तानी गर्न परिपत्र
-
नेपाल ‘ए’ क्रिकेट टोली अष्ट्रेलिया प्रस्थान
-
अनलाइन व्यापार गर्नेलाई अनिवार्य सूचीकृत हुन सरकारको निर्देशन, बेवास्ता गरे कारबाही
-
लुम्बिनीका मुख्यमन्त्री आचार्यले आज विश्वासको मत लिँदै
-
सन्धिखर्क-गोरुसिङ्गे सडकमा राति यात्रा नगर्न प्रशासनको आग्रह
साझा अपडेट
-
बालबालिकालाई दिइने गृहकार्य – एक विमर्श
-
लुम्बिनीलाई ‘बर्थिङ हब’का रूपमा विकास गरिने
-
गुल्मीमा स्क्रब टाइफसबाट एक महिलाको मृत्यु
-
गुगललाई डेढ खर्ब रुपैयाँभन्दा धेरै जरिवाना
-
पश्चिम एसियाका १२ देशमा सबै प्रकारका श्रम स्वीकृति खुला
-
वर्ष ०८२ : एक लाख १० हजारले बढ्यो सुनको भाउ, प्रतिदिन ३०३ !
-
पेट्रोल, डिजेल र मट्टितेलमा प्रतिलिटर १५ रुपैयाँ मूल्यवृद्धि
प्रतिक्रिया