कपिलवस्तुमा १ हजार ५३८ जना अस्थायी मतदाता

कपिलवस्तु | आगामी फागुन २१ गते हुने प्रतिनिधि सभाको निर्वाचनमा कपिलवस्तुमा १ हजार ५३८ अस्थायी मतदाता रहेका छन । जिल्ला निर्वाचन कार्यालय कपिलवस्तुले जारी गरेको प्रारम्भिक विवरण अनुसार यसमा केही थपिन सक्ने जनाइएको छ ।

समानुपातिकतर्फ मतदान गर्नका लागि हालसम्म संकलन गरिएको संख्या अनुसार जिल्लामा उक्त संख्यामा अस्थायी मतदाता रहेको पाइएको जिल्ला निर्वाचन कार्यालयका प्रवक्ता निश्चल मोक्तानले बताए ।

जिल्लामा कार्यरत सुरक्षाकर्मी, निजामति र संस्थान अन्तरगतका कर्मचारी, कारागारमा रहेका बाहिरी जिल्लाका कैदीबन्दीको विवरण संकलन गरेर नामावली प्रकाशित गरिएको उनले बताए।

यसअघि निर्वाचन कार्यालयले विभिन्न निकायसँग अस्थायी मतदाताको संख्या र नामावली माग गरेको थियो। तीमध्ये नेपाल प्रहरीको नामावली अझै प्राप्त नभएकोले यो संख्या बढ्ने उनले बताए।