बालगृह तौलिहवामा रक्षाबन्धन, दुई दिदीले बाँधिदिए राखि

तौलिहवा | कपिलवस्तु नगरपालिका–९ स्थित एक बालगृहमा यस वर्ष पनि सामूहिक रक्षाबन्धनको विशेष कार्यक्रम सम्पन्न गरिएको छ। प्युठान घर भई हाल काठमाडौं बसोबास गर्दै आएकी टिकापुन मगर र सोही वडाकी कविता थारुले बालगृहमा रहेका ३० भन्दा बढी बेसहारा बालकहरूको हातमा राखी बाँधी शुभकामना व्यक्त गरे।

२०७२ सालदेखि प्रत्येक वर्ष बालगृहका भाइहरूलाई रक्षाबन्धन बाँध्दै आएकी टिकापुन मगरले यसपटक पनि परम्पराको निरन्तरता दिन पाउँदा हर्ष व्यक्त गरिन्। “यी बालकहरू मेरा आफ्नै भाइझैं हुन्, सामूहिक रूपमा राखी बाँध्दा अपार सन्तोष मिल्छ,” उनले भनिन्।

यो पर्वले बालगृहका भाइबहिनीबीचको माया, स्नेह र आपसी सुरक्षाको भावना अझ मजबुत बनाउन मद्दत गरेको उनले बताएकी छिन् ।