आईपीएलको समूह चरणको खेल सकियो, यी टोलीबीच हुनेछ प्लेअफ भिडन्त

इन्डियन प्रिमियर लिग (आईपीएल) को समूह चरणको खेल समाप्त भएको छ । सबै १० टिमले १४/१४ खेल खेलेका छन् ।

गए राति भएको समूह चरणको अन्तिम खेलमा रोयल च्यालेन्जर्स बैंगलुरुले लखनउ सुपर जायन्ट्सलाई ६ विकेटले पराजित गर्दै शीर्ष २ मा स्थान पक्का गरेको छ ।

सुरुवाति ब्याटिङ गरेको लखनउले निर्धारित २० ओभरमा ३ विकेट गुमाउँदै २२७ रन बनाएको थियो । जवाफी ब्याटिङमा उत्रिएको बैंगलुरुले १८.४ ओभरमा २३० रन बनाउँदै लक्ष्य पूरा गरेको हो ।

यससँगै प्लेअफमा पन्जाब किङ्स, बैंगलुरु, गुजरात टाइटन्स र मुम्बई इन्डियन्स पुगेका छन् । मुम्बई र गुजरातले इलिमनेटर खेल्नेछन् भने पन्जाब र बैंगलुरु शीर्ष दुईमा रहेकाले उनीहरूले थप एक मौका पाउनेछन् ।