बर्दियामा जुवा खेलिरहेका ६ जना पक्राउ

बर्दिया | जुवा तास खेलिरहेको अवस्थामा प्रहरीले ६ जनालाई पक्राउ गरेको छ । ठाकुरबाबा नगरपालिका–१ भुरिगाउँ स्थित लक्ष्मीकान्त न्यौपानेको घरमा जुवा खेलिरहेका अवस्थामा प्रहरीले ६ जनालाई बुधबार पक्राउ गरेको हो ।

पक्राउ पर्नेमा ठाकुरबाबा नगरपालिका–१ का ३१ वर्षीय घरबेटी लक्ष्मीकान्त न्यौपाने, ३३ वर्षीय बिर्ष बहादुर शाही, २१ वर्षीय ईश्वर कुमार बोहरा, ३६ वर्षीय रामु थारु, ३९ वर्षीय गणेश बहादुर थापा र ३७ वर्षीय ध्रुव थापा रहेका छन् । प्रहरीका अनुसार जुवा खालबाट नगद रु ५१ हजार ८ सय ७०, मोबाइल ७ वटा र जुवा खेल्न प्रयोग गरिएको ४ गड्डी तास बरामद भएको छ ।

छ जनालाई नियन्त्रणमा लिई जिल्ला प्रशासन कार्यालयबाट ७ दिनको म्याद लिई थप अनुसन्धान भइरहेको जिल्ला प्रहरी कार्यालय गुलरियाका डिएसपी ऋषिराम घर्ती मगरले जानकारी दिए ।