भैरहवा-तौलिहवा सडक खण्डमा दुर्घटना : १ जनाको मृत्यु, १३ घाइते

तौलिहवा | भैरहवा-तौलिहवा सडक खण्डको लवनी नजिक आज एक दुखद दुर्घटना घटित भएको छ। बस, कार र मोटरसाइकल एक आपसमा ठोक्किँदा एक जनाको मृत्यु भएको छ भने १३ जना घाइते भएका छन्।

दुर्घटना भैरहवाबाट तौलिहवा जाँदै गरेको लु २ ख २३१ नम्बरको बस, बा १४ च ७४४८ नम्बरको कार र लु ३८ प ९१९९ नम्बरको मोटरसाइकल आपसमा ठोक्किएका थिए।

कार चालकको घटनास्थलमै मृत्यु भएको जानकारी प्राप्त भएको छ। मृतकको पहिचान भने अहिलेसम्म हुन सकेको छैन। कारमा सवार अन्य २ जनाको अवस्था गम्भीर रहेको छ र उनीहरूलाई तत्काल अस्पतालमा पठाइएको छ।

बसमा सवार ४ जना घाइते भएका छन्, जसलाई स्थानीय अलशेख हस्पिटलमा उपचार भइरहेको छ। यस्तै, ६ जना अन्य घाइतेहरूको उपचार भैरहवामा चलिरहेको प्रहरीले जानकारी दिएको छ।

मोटरसाइकलमा सवार २ जनालाई पनि भैरहवामा उपचार दिइरहेको छ। घटनाका बारेमा थप जानकारी प्राप्त गर्दै अनुसन्धान जारी रहेको प्रहरीले जनाएको छ।