दाङमा मोटरसाइकल दुर्घटना हुँदा एक जनाको मृत्यु

दाङ । दाङको लमहीमा मोटरसाइकल दुर्घटना हुँदा एक जनाको मृत्यु भएको छ । जिल्ला प्रहरी कार्यालय दाङका अनुसार सोमबार लमही बजारबाट तुलसीपुरतर्फ जाँदै गरेको रा ७प ४९५४ नम्बरको मोटरसाइकल रातो डाँडामा र दुर्घटना हुँदा सल्यानको बागचौर नगरपालिका–३ घर भई हाल तुलसीपुर–९ बेलुवा बस्ने ३० वर्षीय लिलाराम डाँगीको मृत्यु भएको छ ।

उनी मोटरसाइकलको पछाडि सवार थिए । मोटरसाइकल चालक रोशन विकको अवस्था सामान्य रहेको प्रहरीले जनाएको छ। घटनाबारे थप अनुसन्धान भइरहेको प्रहरीले जनाएको छ।