कपिलवस्तुमा भारी वर्षा

कपिलवस्तु : कपिलवस्तुमा भारी वर्षा भएको छ ।बिहान करीब ३ बजेदेखि कपिलवस्तु सहित आसपासका क्षेत्रमा भारी वर्षा भएको हो ।

यस्तै दाङको पदमपुर वर्षामापन केन्द्रलगायत आसपासका क्षेत्रमा भारी वर्षा मापन भएको जल तथा मौसम विज्ञान विभागले जनाएको छ ।

थप वर्षा हुनसक्ने सम्भावना रहेकाले उक्त क्षेत्र भएर बहने बबई र यसका सहायक नदीहरूमा तथा अन्य स–साना खोलामा बहाव केही बढ्ने भएकाले नदी तटीय क्षेत्रमा रहनेहरूले सतर्कता अपनाउनुपर्ने विभागको भनाइ छ ।

पछिल्लो एक घण्टामा नवलपुरस्थित डण्डा वर्षामापन केन्द्रलगायत आसपासका क्षेत्रमा मध्यम वर्षा भएको छ । थप वर्षा हुनसक्ने सम्भावना रहेकाले नारायणी र यसका सहायक नदीहरूमा बहाव बढ्ने विभागले जनाएको छ ।
यस्तै कपिलवस्तुको वाणगंगा, कोइलीमा समेत बाढी खतराको तह पार गर्ने सक्ने समेत मौसम विभागले बताएको छ ।