गुल्मीका एक युवाको लेक लागेर कागबेनीमा मृत्यु

गुल्मी :  मुस्ताङको कागबेनी तीर्थका लागि पुगेका गुल्मीका एक तीर्थयात्रीको लेक लागेर मृत्यु भएको छ । मालिका गाउँपालिका-७ घमिरका ६८ वर्षीय कृष्णप्रसाद लम्सालको निधन भएको जिल्ला प्रहरी कार्यालय मुस्ताङका प्रहरी निरीक्षक मिलनबहादुर बीकले बताए ।

गुल्मीबाट तीर्थयात्रा गएका लम्साल आइतबार बिहान कागबेनी धाममा स्नान गर्ने क्रममा बेहोस भएको र कागबेनी स्वास्थ्य चौकीमा सामान्य उपचारपछि थप उपचारका लागि मुस्ताङ जिल्ला अस्पताल पुर्‍याउने क्रममा मृत्यु भएको उनले बताए ।

मृतक लम्साल गुल्मीको घमिरबाट आफन्तहरुसँगै कागबेनी स्नान र पितृहरुको पिण्डदानका लागि गएको आफन्तहरुले बताएका छन् ।