सरकारी छाप र दस्तखत किर्ते आरोपमा फरार रहेका चौधरी पक्राउ

साझाकुरा । कपिलवस्तुबाट प्रहरीले एक फरार प्रतिवादीलाई पक्राउ गरी अदालतमा पेश गरेको छ । जिल्ला प्रहरी कार्यालय कलिवस्तुका अनुसार सरकारी छाँप र दस्तखत किर्ते तथा ठगी मुद्दामा फरार रहेका एक युवकलाई पक्रा गरेको हो ।

पक्राउ पर्नेमा कपिलवस्तुको कपिलवस्तु नगरपालिका वडा नम्बर १ बस्ने वर्ष ३३ को बिकास चौधरी रहेका छन् । पक्राउ परेका चौधरीलाई जिल्ला प्रहरी कार्यालय कपिलबस्तुबाट खटिएको प्रहरी टोलिले फागुन २४ गते पक्राउ गरेको हो ।

उनी फरार रहेका थिए । पक्राउ परेका चौधरीलाई जिल्ला अदालत कपिलवस्तुमा पेश गरीएको प्रहरीले जनाएको छ ।