बुद्ध युनाइटेड पडरियाले जित्यो टोल स्तरीय फुटबलको उपाधि
कपिलवस्तु । कपिलवस्तुको बाणगंगा नगरपालिका वडा नम्बर ९ भर्तापुरमा आयोजना गरिएको टोल स्तरीय नक आउट फुटबल प्रतियोगिताको उपाधी बुद्ध युनाइटेड पडरियाले जितेको छ ।
आइतबार भर्तापुर मैदानमा सम्पन्न उपाधी भिडन्तमा भर्तापुर एफसी (प्रयास सामाजिक युवा क्लव) लाई ५–३ गोल अन्तरले पराजित गर्दै बुद्ध युनाइटेड पडरियाले उपाधी उचालेको हो ।
निर्धारत ९० मिनेटको खेलमा पहिलो हाफ आफ्नो पक्षमा बनाएको भर्तापुरले सोही लयलाई सम्हाल्न नसक्दा उप विजेतामा चित्त बुझाउन बाध्य बनेको छ । पहिलो हाफमा ३–० को अग्रता बनाएको भर्तापुर दोस्रो हाफमा कमजोर खेल प्रर्दशन गर्दा बुद्ध युनाइटेडले दोस्रो हाफ मै ५ गोलसहितको जित हात पारेको हो ।
प्रयास सामाजिक युवा क्लवले आयोजना गरेको प्रतियोगितामा वडा नम्बर ९ को वडा कार्यालय, अमृते सामुदायिक वन र कोइलीचौर साना किसान सामुदायिक वन सहयोगी संस्थाको रुपमा रहेका थिए ।
उपाधी सँगै बुद्ध युनाइटेडले २५ के.जिको खसीसहित ट्रफि, मेडल र प्रमाणपत्र पुरस्कार पाएको छ भने उप विजेता बनेको भर्तापुरले १५ के.जिको खसीसहित ट्रफि, मेडल र प्रमाणपत्र पुरस्कार पाएका छन् ।
प्रतियोगताको उत्कृष्ट गोल रक्षक भर्तापुर एफसीका पुर्ण बि.क बनेका छन् भने म्यान अफ् दि टुर्नामेटन्टको पुरस्कार भर्तापुर एफ.सीका आकाश दर्लामी बनेका छन् । यस्तै फाइनल खेलको म्यन अफ् दि म्याच बुद्ध युनाइटेड पडरियाका सागर गुरुङ बनेका छन् ।
प्रतियोगितामा विजेता र उपविजेता बनेका दुबै टिमका खेलाडीहरुलाई वडा अध्यक्ष कमल पौडेल, अमृते सामुदायिक वनका अध्यक्ष योगेन्द्र पोडेल र कोइलीचौर सामुदायिक वनका अध्यक्ष कुन्तामणी भुषालले पुरस्कार प्रदान गरका थिए ।
यस्तै प्रतियोगिता अवधिभर महत्वपूर्ण भमिका निर्वाह गरेका खेल रेफ्री, सहयोगी व्यक्ति तथा सहयोगी संस्थाहरुलाई सम्मान पत्र समेत प्रदान गरिएको थियो ।
खबर सबै
-
चितवनमा हात्तीको आक्रमणबाट आमाछोराको मृत्यु
-
पाराग्वेमाथि कठिन जित हासिल गर्दै फ्रान्स विश्वकपको क्वार्टरफाइनलमा
-
देशभर मनसुनी वायुको प्रभाव, गण्डकी, लुम्बिनी र सुदूरपश्चिम प्रदेशमा भारी वर्षाको सम्भावना
-
धान रोप्ने क्रममा चट्याङ लागेर एक जनाको मृत्यु, दुईजना घाइते
-
सर्प खेलाउँदै गर्दा डसेर २३ वर्षका युवकको मृत्यु
-
करेन्ट लागेर ८ वर्षीया बालिकाको मृत्यु
साझा अपडेट
-
बालबालिकालाई दिइने गृहकार्य – एक विमर्श
-
लुम्बिनीलाई ‘बर्थिङ हब’का रूपमा विकास गरिने
-
पश्चिम एसियाका १२ देशमा सबै प्रकारका श्रम स्वीकृति खुला
-
वर्ष ०८२ : एक लाख १० हजारले बढ्यो सुनको भाउ, प्रतिदिन ३०३ !
-
पेट्रोल, डिजेल र मट्टितेलमा प्रतिलिटर १५ रुपैयाँ मूल्यवृद्धि
-
गगन थापा नेतृत्वलाई निर्वाचन आयोगले दियो आधिकारिकता
-
आज २०८२ साल पुस २३ गते बुधबारको राशिफल
प्रतिक्रिया