प्यूठानको एक सहकारी तोडफोड गरी नगद चोरी

प्यूठान । प्युठानको लालीगुराँस सहकारी संस्थामा चोरी भएको छ । सहकारी नै तोडफोड गरि नगद चोरी भएको हो ।

सोमबार जिल्लाको मल्लरानी गाउँपालिका–३ सालठाँटीमा रहेको लालीगुराँस बचत तथा ऋण सहकारी संस्थाको कार्यालय तोडफोड गरी नगद १ लाख ६० हजार ४ सय रुपैयाँ चोरी भएको जनाइएको छ ।

भवनको दोस्रो तलाको चेनगेट र चाबी फोरेर चोरी भएको सहकारीका व्यवस्थापक गोविन्द बहादुर अधिकारीले जानकारी दिए। विहान ९ बजेमात्र चोरी भएको खबर आफूले जानकारी पाएको उनले बताए। यो सहकारी चुँजाठाटी क्षेत्रको पहिलो र स्थापित सहकारीको हो।

चोरले कार्यालयका सामानहरूमा समेत क्षति प¥याएका छन्। कार्यालयमा नगद दुई लाख बढी रकम भए पनि कागजातसँगै भएकाले एक लाख रुपैयाँ चोरले नदेखेपछि जोगिएको व्यवस्थापक अधिकारीको भनाइ छ। घटनास्थलमा प्रहरी पुगेर अनुसन्धान थालेको छ।

153