लागुऔषध ब्राउनसुगर सहित बाणगंगाबाट एक युवक पक्राउ

कपिलवस्तु । कपिलवस्तुको बाणगंगाबाट अवैध लागुऔषध ब्राउन सुगर जस्तो देखिने पदार्थ सहित एक युवक पक्राउ परेका छन् । जिल्लाको बाणगंगा नगरपालिमा वडा नम्बर ३ बभनी बाट इलाका प्रहरी कार्यालय पिपराको प्रहरी टोलीले ति युवकलाई नियन्त्रणमा लिएको हो ।

जिल्लाको कपिलवस्तु नगरपालिका वडा नम्बर ९ जगदिशपुर बस्ने वर्ष २६ को घनश्याम मुराउलाई उनको साथबाट ३ ग्राम ८३० मिलिग्राम ब्राउन सुगरसहित नियन्त्रणमा लिइएको ईलाका प्रहरी कार्यालय पिपराका प्रहरी निरिक्षक गोपाल रायमाझीले जानकारी दिनुभयो । प्रहरी निरिक्षक रायमाझीका अनुसार पक्राउ परेका मुराउको साथबाट लागुऔषधसहित लु ८३ प ९७६२ नम्बरको मोटरसाईकल समेत ईलाका प्रहरी कार्यालय पिपराको नियन्त्रणमा रहेको छ ।

पक्राउ परेका मुराउ उपर बिहिबार जिल्ला अदालतबाट म्याद थप भई थप अनुसन्धान अगाडी बढाउने प्रहरीले जनाएको छ । बुधबार आज सार्वजनिक विदा भएका कारण उनलाई आज ईलाका प्रहरी कार्यालय पिपराले आफ्नो नियन्त्रणमा राखेको जनाएको छ ।