अर्घाखाँचीमा बाँदर धपाउँदा बन्दुक पड्किएर एकजनाको मृत्यु

अर्घाखाँची । मकैबारीमा आएका बाँदर धपाउने क्रममा आफैले बोकेको भरुवा बन्दुक पड्किदा अर्घाखाँचीमा एक जनाको ज्यान गएको छ ।

मकै बारीमा आएको बाँदर धपाउन जाने क्रममा भुमिकास्थान नगरपालिका वडा नम्बर ७ पानडाँडाका ४५ वर्षिय पदम केसीको मृत्यु भएको जिल्ला प्रहरी कार्यालय अर्घाखाँचीले जनाएको छ।

आफैले बोकेको एकनाले भरुवा बन्दुक पड्किएर गम्भीर घाइते भएका केसीको जिल्ला अस्पताल सन्धिखर्कमा उपचारको क्रममा मृत्यु भएको जिल्ला प्रहरी कार्यालय अर्घाखाँचीका प्रहरी नायव उपरिक्षक मुकुन्द रिजालले बताउनुभयो ।

भरुवा बन्दुक नियन्त्रणमा लिइ घटनाको थप अनुसन्धान सुरु गरिएको प्रहरीको भनाई छ ।