करेन्ट लागेर कपिलवस्तुमा ६ वर्षीय बालिकाको मृत्यु

कपिलवस्तु । कपिलवस्तुमा करेन्ट लागेर एक ६ वर्षीय बालिकाको ज्यान गएको छ । जिल्लाको विजयनगर गाउँपालिकामा करेन्ट लागेर ति बालिकाको मृत्यु भएको हो ।

विजयनगर गाउँपालिकाको वडा नम्बर २ जरलैया बस्ने चाँद अली भाँटको ६ वर्षीय छोरी साहिना खातुनको करेन्ट लागेर मृत्यु भएको ईलाका प्रहरी कार्यालय गणेशपुका प्रहरी निरीक्षक कृष्ण रानाले जानकारी दिनुभयो ।

शुक्रबार दिउँसो १ बजेको समयमा घरको नल्कामा जडान गरिएको पानी तान्ने मोटरबाट नुहाउने क्रममा अचानक करेन्ट प्रवाह हुँदा साहिनाको मृत्यु भएको प्रहरी निरीक्षक रानाले बताउनु भयो ।

खातुनलाई उपचारका लागि अस्पताल लैजाँदै गर्दा बाटोमै मृत्यु भएको प्रहरीले जनाएको छ । करेन्ट लागेर साहिनाको हजुरआमा ४८ वर्षिय अन्जुम भाँट घाइते भएको प्रहरीले जनाएको छ ।

प्रहरीका अनुसार नातिनीलाई बचाउने क्रममा अन्जुम घाइते भएको र उनको अवस्था सामान्य रहेको वडा अध्यक्ष नेपाल चौधरीले जानकारी दिनु भयो ।