कपिलवस्तुमा सर्पको टोकाईबाट २ वर्षीय बालकको मृत्यु

कपिलवस्तु । कपिलवस्तुमा सर्पको टोकाइबाट एक २ वर्षीय बालकको ज्यान गएको छ । जिल्लाको मायादेवि गाँउपालिका वडा न. ३ खैराटीमा सर्पको टोकाईबाट शनिवार २ बर्षका सुर्य बरईको ज्यान गएको प्रहरीले जनाएको छ ।

बरईलाई आफ्नै घरको आगनमा खेल्ने क्रममा बिषालु सर्पले टोकेकको हो । उनलाई उपचारको लागि सर्पदशं अस्पताल गोरुसिङ्गे लगिएको र त्यहाँ उपचार हुन नसके पछि जिल्ला अस्पताल तौलिहवा पठाइएको थियो । तौलिहवामा उपचार गर्दा गर्दै उनको मृत्यु भएको प्रहरी नायव उपरीक्षक मिन बहादुर घलेले जानकारी दिए ।

जिल्लामा सर्पको विगविगी रहेकाले सचेत हुन आग्रह समेत गरिएको छ ।