मोटरबाट पानी तान्ने क्रममा करेन्ट लागेर एकको मृत्यु

पाल्पा । पाल्पामा मोटरबाट पानी तान्ने क्रममा करेन्ट लागेर एक जनाको ज्यान गएको छ । जिल्लाको रैनादेवी छहरा गाउँपालिका–३ झिरवास देउरालीका ४२ वर्षीय गोविन्द बम्रेलको करेन्ट लागेर मृत्यु भएको हो ।

आफ्नै घर नजिकको खेतमा मोटरबाट पानी तान्ने क्रममा अचानक करेन्ट लागेर घटनास्थलमै मृत्यु भएको जिल्ला प्रहरी कार्यालय पाल्पाले जनाएको छ ।

इलाका प्रहरी कार्यालय मुझुङ र जिल्ला प्रहरी कार्यालय पाल्पाको अनुसन्धान अधिकृतसहितको टोलीले घटनाको अनुसन्धान गरेको प्रहरीले जनाएको छ । घटनाको सम्बन्धमा थप अनुसन्धान भइरहेको सूचना अधिकारी प्रहरी निरीक्षक भूपेन्द्र थापाले जानकारी दिए ।