चट्याङ लागेर वडा सदस्यको निधन

रोल्पा । रोल्पामा चट्याङ लागेर एक वडा सदस्यको निधन भएको छ । जिल्लाको सुनछहरी गाउँपालिका वडा नम्बर ३ कुइपाधाराका वडासदस्य ४९ वर्षीय दिलबहादुर घर्तीमगरको चट्याङ लागेर ज्यान गएको हो । बिहिबार राति उनलाई चट्याङ लागेको प्रहरीले जनाएको छ ।

मृतक घर्तीमगर आफ्नो कान्छो भाइको घरमा सुतेको बेला चट्याङमा परेको उक्त कार्यालयका सूचना अधिकारी प्रकाश भुसालले जानकारी दिए ।

चट्याङमा परी अन्य ठाउँका केही व्यक्ति पनि घाइते भएकाले त्यस स्थानतर्फ प्रहरी जाँदै गरेको उनले बताए ।