शाक्य नगरका रुपमा परिचित कपिलवस्तु (फोटोफिचर)

कपिलवस्तु ।  प्राचिन कपिलवस्तु नगरी भगवान बुद्धको २९ बर्षे जीवनको क्रिडास्थल, राजा शुद्धोधन को राजधानी शाक्य नगरका रुपमा परिचित छ । कपिलवस्तु जिल्ला बुद्धसँग सम्बन्धित एक खुला संग्राहलयको रुपमा समेत चिनिन्छ ।

कपिलवस्तु नगरपालिका स्थित तौलिहवा देखि ३ क.मि. उत्तर क्षेत्रफल करिवन ३५ विगाहा सरकारी स्वामित्व रहेको क्षेत्र हो तिलौराकोट । विश्वप्रसिद्ध ऐतिहासिक र पुरातात्विक महत्वको तिलौराकोटलाई प्राचीन कपिलवस्तुका रूपमा चिनिन्छ ।

जिल्लाको कपिलवस्तु नगरपालिकास्थित शिवगढ गाउँसँगै रहेको तिलौराकोट भगवान् गौतमबुद्धले २९ वर्षबिताएको ठाउँ तथा उहाँका बुबा राजा शुद्धोधनको राजाप्रसाद हो । शान्तिका अग्रदूत भगवान् गौतमबुद्धसँग सम्बन्धित भएका कारण उक्त स्थल विश्वप्रसिद्ध भएको हो ।