लागुऔषध ब्राउनसुगरसहित लुम्बिनीका २ जिल्लाबाट ४ जना पक्राउ

कपिलवस्तु । लुम्बिनी प्रदेशका विभिन्न जिल्लाबाट प्रहरीले अवैध लागुऔषध सहित ४ जनालाई नियन्त्रणमा लिएको छ ।

बर्दियाको बढैयाताल गाउँपालिका–८ कण्ठपुरबाट अवैध लागूऔषध ब्राउनसुगर जस्तो देखिने पदार्थ ४ सय ३० मिलिग्रामसहित २ जना प्रहरीको नियन्णमा परेका छन् भने बर्दिया कै गुलरिया नगरपालिका–११ गणेशपुर गाउँबाट अवैध लागूऔषध ब्राउनसुगर करिब २ सय ५० मिलिग्रामसहित एक किशोर पक्राउ परेको प्रहरीले जनाएको छ ।

यस्तै यता रुपन्देहीको सियारी गाउँपालिका–४ धमसार बस्ने ५३ वर्षीय सुभाष मल्लाहलाई पनि प्रहरीले अवैध लागूऔषध ब्राउनसुगरसहित पक्राउ गरेको छ ।

मल्लाहको साथबाट प्रहरीले २ ग्राम १ सय ७९ मिलिग्रामसहित मंगलबार दिउँसो पक्राउ गरेको हो । विशेष सूचनाको आधारमा ईलाका प्रहरी कार्यालय छपियाबाट खटिएको प्रहरीले उनको किराना पसलको तलासी गर्ने क्रममा उक्त पदार्थ फेला पारी पक्राउ गरेको हो ।

133