भुमिकास्थान आगलागीमा संलग्न ४ जना सार्वजनिक

अर्घाखाँची । अर्घाखाँचीको भुमिकास्थान–२ ढाकावाङ्गको जोगिथुममा गत मंगलबार भएको आगलागी घटनामा संलग्न भएकाहरु ४ जनालाई प्रहरीले आज सार्वजनिक गरेको छ।

आगलागी घटनामा संग्लन आरोपी भुमिकास्थान–२ निवासी ७० बर्षिय देवीराम वेल्वासे, दिनेश थापा,धर्मराज वेल्वासे र दिपक बि.क लाई आज एक पत्रकार सम्मेलन मार्फत जिल्ला प्रहरी कार्यालय अर्घाखाँचीले सार्वजनिक गरेको हो ।

उक्त आगलागीमा भुमिकास्थान २ निवासी ३५ बर्षिय पदम बेल्बासे ,७२ बर्षिय पिताम्बर भुसाल, ५२ बर्षिय घनश्याम बेल्बासे र ३६ बर्षिय माधब बेल्बासेको उपचारको क्रममा मृत्यु भएको थियो। घाईते २५ बर्षिय संगिता बेल्बासेको पाल्पा मिशन अस्पतालमा उपचार भैरहेको छ ।

102