प्रचण्डविरुद्धको रिटमा आज प्रारम्भिक सुनुवाइ

काठमाडौं

प्रधानमन्त्री पुष्पकमल दाहाल ‘प्रचण्ड’विरुद्धको रिटमा सर्वोच्च अदालतमा आज सुनुवाइ हुनेछ । रिट अदालतको जुन कुनै न्यायाधीशको एकल इजलासमा सुनुवाइका लागि पर्न सक्छ ।

अदालतमा न्यायाधीशहरुले गोलाप्रथामार्फत मुद्दा छान्ने हुँदा कसको इजलासमा मुद्दाको सुनुवाइ हुन्छ भन्ने बिहान साढे १० बजे पछि जानकारी हुनेछ ।

सोमबार प्रचण्डविरुद्ध ज्ञानेन्द्रराज आरण र कल्याण बुढाथोकीले दुई भिन्न रिट दायर गरेका थिए । निवेदकहरुले प्रचण्डद्वारा २०७६ साल माघ १ गते टुँडिखेलमा आयोजित एक कार्यक्रममा द्वन्द्वकालमा भएका १७ हजार हत्या मध्ये ५ हजार हत्याको जिम्मेवारी लिने अभिव्यक्तिलाई मध्यनजर गर्दै उनीविरुद्ध ती हत्याको अभियोजन दायर भई अदालतबाटै निरुपण हुनु पर्ने माग गरेका छन् ।

रिटमा आज प्रारम्भिक सुनुवाइ हुनेछ । प्रारम्भिक सुनुवाइमा निवेदक तर्फबाट बहस हुन्छ । विपक्षी प्रत्यर्थीले प्रारम्भिक सुनुवाइमै सरिक हुनका लासग निवेदन दिएमा प्रत्यर्थी समेतले बहस गर्न पाउँछन् ।

निवेदकतर्फको बहसपछि इजलासले रिट खारेज पनि गर्न सक्छ ।  रिट खारेज नभएको सन्दर्भमा अदालतबाट कारण देखाउ आदेश वा अन्तरिम आदेश जारी हुन सक्छ । रिटमा प्रचण्डको अभिव्यक्तिको आधारमा अभियोजन दायर हुनु पर्ने हुँदा तत्काल उनलाई पक्राउ गर्न अन्तरिम आदेशको पनि माग गरिएको छ ।

अन्तरिम आदेश विशेष मुद्दा टुंगो नलाग्दासम्म कुनै कार्य भएमा  वा नभएमा निवेदकलाई अपुरणीय क्षेती हुनसक्ने अवस्थामा जारी हुने गर्छ ।

इजलासले आजको सुनुवाइ पछि विपक्षी बनाइएका प्रचण्ड, प्रधानमन्त्री कार्यालय, गृह, रक्षा, कानुन मन्त्रालय र प्रहरी प्रधान कार्यालयलाई निश्चित समय तोकी लिखित जवाफ पेस गर्दै अदालतमा उपस्थित हुन आदेश दिन सक्छ ।

75

प्रतिक्रिया

खबर सबै

लुम्बिनीमा कांग्रेसका मन्त्रीले तत्काल राजीनामा नदिने

लुम्बिनी प्रदेश सबै

लुम्बिनीमा कांग्रेसका मन्त्रीले तत्काल राजीनामा नदिने

साझा अपडेट

MENU