फोनबाट धम्काउदै रकम असुली गर्ने २ जना पक्राउ

बुटवल। रोयल ग्रुप नामक समूह बनाई व्यवसायी र उद्योगीलाई फोनबाट धम्काउँदै रकम असुली गर्ने तयारीमा जुटेको पूर्व जनमुक्ति सेनाका लडाकु सहित २ जनालाई हतियार सहित रुपन्देही प्रहरीले पक्राउ गरेको छ ।

कुख्यात अपराधी मनोज पुनको घटना दोहोराउने रणनीतिका साथ बुटवलमा योजना बनाइरहेको अपराधीक टोलीलाई प्रहरीले पक्राउ गरी मंगलवार पत्रकार सम्मेलन गरी सार्वजनिक गरेको हो । करिब २ हप्ता अगाडि देखि उद्योगी व्यवसायीले फोनमा धम्काउँदै रकम माग्ने गरेको नदिए बम पडकायर घर र ज्यान समेत सिद्धाइदिने उजुरीका आधारमा प्रहरीले उनीहरूलाई पक्राउ गरेको छ । बुटवल उपमहानगरपालिका–११ देवीनगरबाट विभिन्न हात हतियारसहित २ जनालाई सोमबार साँझ प्रहरीले पक्राउ गरेको बताएको छ ।

पक्राउ पर्नेहरूमा गुल्मी मालिका गाउँपालिका–४ अर्खावाङ बस्ने ३५ वर्षीय नवीन चन्द्र रेग्मी र कञ्चनपुरको गणेशपुर नगरपालिका–२ बस्ने २७ वर्षीय विश्वराज कार्की रहेका छन् ।

उनीहरुले उद्योगी व्यवसायीहरुलाई धाकधम्की दिएर असुली गर्ने गरेको जिल्ला प्रहरी कार्यालय रुपन्देहीका प्रमुख प्रहरी उपरीक्षक रवीन्द्र रेग्मीले बताउनु भयो ।

120